'''Naturalisme''' is 'n filosofiese denkrigting en 'n stroming binne die literatuur, toneelkuns en beeldende kunste.
'''Naturalisme''' (Engels: ''Naturalism'' of ''Methodological naturalism'') is die ideologie of wêreldbeskouing om na dinge te kyk asof daar nie 'n [[God]] is nie. Dit is egter 'n vooropgestelde idee, want 'n [[mens]] kan dit nie bewys nie. Daar word aangeneem dat die prosesse wat die werking van verskynsels verduidelik, die enigste ding is wat gebruik kan word om die oorsprong van die verskynsel te verklaar. 'n Praktiese voorbeeld is dat wetenskaplikes oor die algemeen 'n naturalistiese benadering het tot die oorsprong van die heelal, aarde en lewende dinge. Dit is byvoorbeeld hoe die evolusieteorie onder andere ontstaan het. [[Charles Lyell]] is 'n geoloog wat in Darwin se tyd geleef het. Hy het ook duidelik 'n naturalistiese benadering tot die geologie gehad. Hy het onder andere gesê dat hy die wetenskap van Moses wou bevry. Daarmee het hy bedoel dat die [[hipotese]] oor hoe die geologiese verskynsels van die aarde tot stand gekom het nie vanuit 'n Bybelse oogpunt benader moet word nie, maar vanuit 'n naturalistiese oogpunt.<ref>Uit [http://creation.com/charles-lyell-free-science-from-moses Charles Lyell’s hidden agenda—to free science “from Moses”]</ref>
