Die '''Republiek van Kameroen''' is 'n unitêre [[republiek]] van [[MiddeSentraal-Afrika]]. Dit grens aan [[Nigerië]], [[Tsjaad]], [[Sentraal-Afrikaanse Republiek]], [[Republiek van die Kongo]], [[Gaboen]], [[Ekwatoriaal-Guinee]] en die [[Golf van Guinee]]. Nadat dit oorspronklik 'n [[Duitse Keiserryk|Duitse Kolonie]] was word dit na die [[Eerste Wêreldoorlog]] tussen die [[Frankryk|Franse]] en [[Verenigde Koninkryk|Britte]] verdeel. In [[1960]] word [[Frankryk|Frans]] Kameroen 'n onafhanklike republiek en smelt in [[1961]] met die suidelike deel van die Britse Kameroene saam om die ''Federale Republiek van Kameroen'' te vorm. Dit word in [[1972]] herdoop tot die ''Verenigde Republiek van Kameroen'', en die Republiek van Kameroen (Engels: ''Republic of Cameroon'' of Frans: ''République du Cameroun'') in [[1984]] (die amptelike tale is [[Engels]] en [[Frans]]). Kameroen het meestal stabiliteit ervaar wat die land toegelaat het om [[landbou]], [[pad|paaie]], en [[spoorweg|spoorweë]], sowel as 'n [[petroleumindustrie]] te ontwikkel. Ten spyte van beweging in die rigting van politiese hervorming bly mag stewig in die hande van 'n etniese [[oligargie]].
