Seine: Verskil tussen weergawes
Content deleted Content added
Lyn 34:
Die Seine vorm saam met sy syriviere 'n belangrike stelsel van kommersiële waterweë wat die grootste deel van die land se binnelandse waterverkeer hanteer. Die Seine se benedeloop is bevaarbaar deur seevarende skepe so ver as [[Rouen]], 120 km (75 myl) van die see af. Die rivier verbind die Parys rivierhawe in Gennevilliers sodoende met Le Havre, een van Frankryk se belangrikste seehawens. Meer as sestig persent van sy lengte, so ver as [[Boergondië (gewes)|Boergondië]], is bevaarbaar deur kommersiële plesierbote en byna sy hele lengte is geskik vir ontspanningsvaarte; uitstappiebote bied besigtigingstoere van die ''Rive Droite'' (regteroewer) en ''Rive Gauche'' (linkeroewer) binne die Paryse stadsgebied.
Daar is 37 brûe in Parys wat oor die rivier strek, en dosyne meer buite die stad. Voorbeelde in Parys sluit in ''Pont Louis-Philippe'' en ''Pont Neuf'', waarvan die laasgenoemde terugdateer tot 1607. Buite die stad sluit voorbeelde die ''[[Pont de Normandie]]'' in, een van die langste kabelhangbrûe in die wêreld wat Le Havre met [[Honfleur]] verbind. Die Seine se oewerpromenade in Parys is deur [[Unesco]] tot [[wêrelderfenisgebied|wêrelderfenis]] verklaar.
Die Marnerivier verbind die Seine-rivierstelsel met die [[Ryn]], terwyl die Oise toegang tot waterweë in België bied. Ander verbindings, soos dié met die Loire-waterweë en die Saône-Rhône-rivierstelsel wat in die 17de en 18de eeu deur die bou van kanale geskep is, speel vandag 'n ondergeskikte rol.
| |||