Seine: Verskil tussen weergawes

Content deleted Content added
Voyageur (besprekings | bydraes)
Rol weergawe 1266283 deur Voyageur (bespreek) terug.
Voyageur (besprekings | bydraes)
k Taal
Lyn 32:
Die '''Seine''' ([[Frans]]: ''la Seine'', uitgespreek: [la sɛːn]) is die tweede langste rivier in [[Frankryk]] na die [[Loire (rivier)|Loire]]. Dit ontspring sowat 30 kilometer noordwes van [[Dijon]] by Seine-Source ("Bron van die Seine"), 'n klein dorpie op die Noordoos-Franse Langres-plato, vloei in noordwestelike rigting deur [[Parys]] en mond in [[Le Havre]] in die [[Engelse Kanaal]] uit. Die Seine het 'n [[lengte]] van 776 kilometer en dreineer saam met sy syriviere 'n stroomgebied van sowat 78 700 km².
 
Die Seine word byas een van [[Europa]] se groot historiese riviere gereken, maar veral word dit verbind met die Franse hoofstad Parys wat sy oorsprong op twee riviereilande, Île de la Cité en Île St-Louis, het. Hier kon die Seine maklik oorgesteek word. Die hoër geleë terrein aan die regteroewer is net soos die gebied by die Montaigne Ste-Geneviève, een van die Paryse heuwels in die huidige Quartier Latin aan die suidelike oewer, nie deur oorstromings geraak nie. Aan die suidelike linkeroewer van die Seine het die Romeinse nedersetting Lutetia, voorloper van die moderne Parys, ontstaan, terwyl die regteroewer noord van die Seine vanaf die middeleeue die middelpunt van Parys se seehandel geword het. Hier het skepe uit die hele Europa aangedoen.<ref>Dr. Madeleine Reincke en Hilke Maunder: ''Paris''. Ostfildern: Mairdumont - Karl Baedeker 2013, bl. 13</ref>
 
Die vrugbare hartland van sy rivierbekken in die [[Île-de-France]] was die bakermat van die Franse monargie en die kerngebied van waar later Frankryk as een van die groot Europese nasiestate sou uitbrei. Vandag is die streek steeds die politieke, ekonomiese en kulturele spilpunt van Frankryk.