Verskil tussen weergawes van "Judaïsme"

8 grepe bygevoeg ,  6 jaar gelede
 
Daar bestaan verskillende menings oor die mate waartoe 'n mens in staat is om die wette, as voorwaardes van die verbond, na te kom en tot watter mate God dit van die individu verwag. Hoe dit ookal sy, op verskeie plekke in die Hebreeuse Bybel word melding gemaak van 'n "nuwe verbond" wat die oorspronklike verbond sal vervang.
In [[Esegiël]] (16: 6-63) beloof God om Sy kant van die verbond na te kom en Hom met Israel te "… versoen ten spyte van alles wat (Israel) gedoen het …". In [[Jeremia]] 31: 31-34 beloof Hy om 'n "nuwe verbond" met hulle te sluit wat anders as die vorige verbond sal wees en wat die ou verbond dus sal vervang. Hy sal al hul sondes vergeef en in plaas daarvan dat hulle geskrewe wette sal moet nakom, sal God Sy woord "… op hulle harte skryf en in hulle gedagte vaslê".
Wanneer dit gebeur, sal mense vanself Sy wil doen en aan Hom gehoorsaam wees, en Hy sal hul God wees.
Die meeste Jode glo dat hierdie tyd nog moet aanbreek. Christene glo egter dat Jesus Christus die nuwe verbond is wat God belowe het en dat diegene wat in Hom glo, verlos word van die verpligting om die voorskrifte van die ou verbond na te kom ten einde met God versoen te word.