Evangelie volgens Lukas: Verskil tussen weergawes

Die '''Evangelie volgens Lukas''' is die derde [[evangelie]] en ook die derde boek in die [[Nuwe Testament]]. Die Evangelie verkondig [[Jesus van Nasaret|Jesus]] as Verlosser, nie net van [[Israel]] nie maar van die hele mensheid. 'n Groot deel van hierdie Evangelie bevat dieselfde gegewens as [[Evangelie volgens Matteus|Matteus]] en [[Evangelie volgens Markus|Markus]], maar uit eie ondersoek voeg die skrywer heelwat gegewens by, byvoorbeeld die uitgebreide verhaal oor die geboorte van Jesus, die opwekking van die seun by Nain, die verhale oor Saggeus en die Emmausgangers, 'n hele aantal gelykenisse waaronder dié van die barmhartige Samaritaan en van die verlore seun. Met bewoënheid het Jesus weldade aan siekes en lydendes, veronregtes en verarmdes bewys. Die ondertoon van die Evangelie is dié van blydskap oor die koms van die Verlosser en sy oorwinning oor die magte van die Bose.