Maak hoofkeuseskerm oop

Wysigings

1 greep verwyder ,  5 jaar gelede
k
→‎Geografie: meterotiet → meteoriet
[[Olympus Mons]], ook 'n skildvulkaan, is met 26 km die hoogste berg in die Sonnestelsel (sover bekend). Dit is 'n uitgedoofde vulkaan in die uitgestrekte hooglandstreek Tharsis, wat ook 'n aantal ander groot vulkane bevat. Dit is meer as drie keer so hoog as [[Mount Everest]], wat 'n hoogte van 8,848 km het.
 
Mars dra ook die littekens van 'n aantal impakkraters: daar is reeds 43&nbsp;000 kraters gevind wat 'n diameter van 5&nbsp;km of meer het.<ref>Wright, Shawn: [http://ivis.eps.pitt.edu/projects/MC/ ''Infrared Analyses of Small Impact Craters on Earth and Mars''], by die webwerf van die University of Pittsburgh. 4 April 2003. Verkry op 2007-02-26.</ref> Die grootste krater is Hellas Planitia, 'n impakbekken met 'n diameter van tussen 2100 en 2500 km (metings verskil). Hella Planitia is 'n ligte verskynsel wat duidelik vanaf die Aarde sigbaar is.<ref>[http://www.windows.ucar.edu/tour/link=/mars/interior/Martian_global_geology.html ''Mars Global Geography''], deel van ''Windows to the Universe''. Verkry op 2006-06-13.</ref> Danksy Mars se kleiner massa is die kanse dat 'n voorwerp met die planeet sal bots die helfte minder as dié van die Aarde. Mars lê egter nader aan die asteroïdegordel en is dus meer dikwels 'n teiken van voorwerpe wat daarvan afkomstig is. Dit is ook meer waarskynlik dat Mars deur korttermyn komete getref kan word, soos dié wat in die omwentelingsbaan van Jupiter lê.<ref>Wetherill, G. W.: [http://adsabs.harvard.edu/abs/1974Moon....9..227W ''Problems Associated with Estimating the Relative Impact Rates on Mars and the Moon], uit ''Earth, Moon, and Planets''. 1999: 9, bl. 227. Verkry op 2007-02-26.</ref> Ten spyte hiervan is daar baie minder kraters op Mars as (byvoorbeeld) die Maan, aangesien Mars se atmosfeer beskerming teen klein meteore bied. Die morfologie van sommige kraters dui daarop dat die grond nat was toe die meterotietmeteoriet die planeet getref het.
 
Die groot kloof [[Valles Marineris]] (ook bekend as "Agathadaemon" op ou kaarte), het 'n lengte van 4000&nbsp;km en 'n diepte van tot 7&nbsp;km. Die lengte van Valles Marineris is gelyk aan die lengte van [[Europa]] en strek oor een vyfde van Mars se omtrek. Ter vergelyking is die [[Grand Canyon]] op Aarde slegs 446&nbsp;km lank en naastenby 2&nbsp;km diep. Valles Marineris is gevorm na aanleiding van die swelling van die Tharis-area, wat veroorsaak het dat die kors in die area van Valles Marineris inmekaarsak. 'n Ander groot kloof is Ma'adim Vallis ("Ma'adim" is Hebreeus vir Mars). Dit is 700&nbsp;km lank, met 'n wydte van 20&nbsp;km en 'n diepte van 2&nbsp;km in sommige plekke. Dit is moontlik dat Ma'adim Vallis in die verlede deur vloeibare water oorstroom was.<ref>Lucchitta, B. K.; Rosanova, C. E., 26 Augustus 2003. [http://astrogeology.usgs.gov/Projects/VallesMarineris/ ''Valles Marineris; The Grand Canyon of Mars''], by die webwerf van die USGS. Verkry op 2007-03-11.</ref>
47

wysigings