Aswandam: Verskil tussen weergawes

Die '''Aswandam''' is 'n reuse[[dam]] in die [[Nylrivier]] in [[Aswan]], [[Egipte]]. Sedert die 1960's verwys die naam na die Hoëdam; daar was reeds 'n kleiner dam laer af gebou wat in 1902 voltooi is. Die konstruksie van die hoë Aswandam was 'n sleutelprojek van die Egiptiese regering na aanleiding van die Egiptiese Revolusie van 1952. Kwesies soos die vermoë om vloede te beheer, water vir besproeiing te voorsien, en hidro-elektrisiteit te genereer is as belangrik vir Egipte se industrialisering geag. Die Aswandam is tussen 1960 en 1970 gebou en het 'n beduidende impak op die [[ekonomie]] en [[kultuur]] van Egipte gehad.

 

Voor die dam gebou is, het die Nyl elke jaar gedurende die laatsomer oorstroom, waartydens heelwat [[reën]]water in die vallei van die Oos-Afrikaanse dreineerbekken afgevloei het. Hierdie vloede het natuurlike voedingstowwe en minerale vervoer wat jaarliks ​​die vrugbare grond langs die vloedvlakte en delta verryk het; dit maak die Nylvallei ideaal vir [[boerdery]] sedert antieke tye. Omrede die vloede jaarliks wissel, kon die hele oes in 'n hoë reënvaljaar uitgewis word, terwyl daar in 'n lae reënvaljaar wydverspreide droogte en soms [[hongersnood]] ontstaan het. Soos Egipte se bevolking gegroei het, en die land se politieke en ekonomiese omstandighede verander het, het 'n begeerte en ook 'n vermoë ontwikkel om die vloede te beheer. Landbougrond sou beskerm word teen vloede en die ekonomies-belangrike [[katoen]]oes ondersteun word. Met die [[reservoir]] se opbergingsvermoë in die Aswandam, kon die vloede verminder word en [[water]] gestoor word vir latere vrylating.

 

{{en-vertaal|Aswan Dam}}

 

[[Kategorie:Damme]]

[[Kategorie:Geografie van Egipte]]