Chop suey: Verskil tussen weergawes

'''Chop Suey''' is 'n gereg wat sy oorsprong in die Amerikaans-Sjinese kookkuns het waar dit in die 19de eeu deur [[Sjinese]] immigrante ontwerp is. Dit bestaan gewoonlik uit 'n mengsel van reperepies [[vleis]] (dikwels [[hoendervleis|hoender-]], [[beesvleis|bees-]] of [[varkvleis]], maar ook [[seekos]] soos [[vis]] en garnale), gekapte [[groente]] (soos byvoorbeeld bamboeslote en [[seldery]]) en sampioene[[sampioen]]e wat in 'n sous met stysel gebind word. Chop Suey word normaalweg met [[rys]] bedien, soms ook met roergebraaide Sjinese noedels[[noedel]]s.

Daar is verskeie oorlewerings oor die oorsprong van Chop Suey. Die gereg word algemeen verbind met Sjinese immigrante wat dit in die 1860's ontwerp het, maar die antropoloog E.N. Anderson het tot die gevolgtrekking gekom dat dit sy oorsprong in Taishan (Toisan), 'n distrik van die Sjinese provinsie Guangdong (Kanton) het waar dit deur groenteboere tradisioneel van ''tsap seul'' (oorgeblewe voedsel) berei is. Later het Sjinese emigrante die resep na die [[Verenigde State]] geneem waar dit as ''Chop Suey'' een van die befaamde geregte van Sjinees-Amerikaanse restaurante[[restaurant]]e geword het.<ref>E.N. Anderson: ''Guangzhou (Canton) Cuisine''. In: Solomon H. Katz: ''Encyclopedia of Food and Culture''. Boekdeel I. New York: Scribner's 2003, bl. 392</ref> Li Shu-fan, 'n geneeskundige uit [[Hong Kong]], het eweneens opgemerk dat die gereg in die 1890's in Toisan bedien is.<ref>E.N. Anderson, Jr. en Marja L. Anderson: ''Modern China: South''. In: K.C. Chang: ''Food in Chinese Culture: Anthropological and Historical Perspective''. Yale 1977, bl. 355</ref>

Die lang lys van kleurryke en uiteenlopende verhale oor die oorsprong van Chop Suey is volgens die kosgeskiedkundige Alan Davidson 'n uitstekende voorbeeld van "kulinêre mitologie" en kenmerkend virvan gewilde geregte.<ref>Alan Davidson: ''The Oxford Companion to Food''. Oxford: Oxford University Press 1999, bl. 182</ref>