Atoem was selfgeskep, die eerste wese wat voor die skepping uit die donker, eindelose oerwaters te voorskyn gekom het; ’n produk van die energie en materie in hierdie chaos. Hy het toe sy kinders, die eerste gode, uit eensaamheid geskep. Hy het eers: Sjoe, die god van die hemele, en Tefnoet, die godin van vogtigheid, geskep. Die broer en suster was nuuskierig oor die oerwaters wat hulle omring het en het dit gaan verken. Hulle het verdwyn en Atoem, wat baie hartseer was, het ’n boodskapper, die [[Oog van Ra]], gestuur om hulle te gaan soek. Die trane wat hy gestort het, was die eerste mense.<ref>Pinch, Geraldine (2004). ''Egyptian Mythology: A Guide to the Gods, Goddesses, and Traditions of Ancient Egypt.'' Oxford University Press. pp. 63–64</ref>
