Manchester: Verskil tussen weergawes

'''Manchester''' [ˈmæntʃɪstə] is 'n stad en metropolitraanse ''borough'' in die graafskap Groter Manchester in [[Engeland|Noordwes-Engeland]], [[Verenigde Koninkryk]] met 'n oppervlakte van 115,65 km². Die stad is met 'n bevolking van sowat 514 417 in 2013 ná [[Londen]] en [[Birmingham]] die derde grootste stad van Engeland en vorm die sentrum van Noord-Engeland se grootste metropolitaanse gebied met 'n bevolking van 2,55 miljoen. Die stadsgebied word begrens deur die Chesire Plain in die suide, die Pennines-bergreeks in die noorde en ooste en 'n groot boog van nedersettings wat met Manchester tot 'n uitgestrekte beboude stedelike gebied saamgesmelt het.

Manchester se nywerhede het 'n baanbrekersrol gedurende die nywerheidsomwenteling in Engeland gespeel waartydens Manchester van 'n klein nedersetting tot die wêreld se eerste groot nywerheidstad gegroei het. Die agteruitgang van die plaaslike tekstielbedryf in die 20ste eeu het ekonomiese swaarkry vir Manchester beteken. Die stad staan tans in die buiteland veral bekend vir die sokkerklub [[Manchester United]].