Verskil tussen weergawes van "Marcus Antonius"

Skakel
(Spelfout)
(Skakel)
Antonius was 'n belangrike ondersteuner van en militêre aanvoerder vir [[Julius Caesar]] tydens sy [[Galliese Oorlog|verowering van Gallië]] en die [[Caesar se burgeroorlog|burgeroorlog]] daarop. Caesar het Antonius as die administrateur van Italië aangestel terwyl hy sy politieke teëstanders in Griekeland, Noord-Afrika en Spanje ondergesit het. Na die [[sluipmoord op Julius Caesar]] in 44 v.C., het Antonius sy kragte saamgesnoer met [[Marcus Lepidus]], een van Caesar se generaals, en Caesar se aangenome seun [[Augustus|Octavianus]] in 'n diktatoriale driemanskap wat as die [[Tweede Triumviraat]] bekend staan. Die Triumviraat het die strydmagte van Caesar se sluipmoordenaars, die [[Liberatores]], in 42 v.C. in die [[Veldslag van Philippi]] verslaan en die regering van die Republiek onder mekaar verdeel. Rome se oostelike provinsies is aan Antonius toegedeel, insluitend [[Ptolemeïese Egipte]] met [[Kleopatra]] as koningin, wat aan Rome onderhorig was, en die bevel oor die [[Romeins-Parthiese oorloë|Roomse oorlog teen Parthië]].
 
Verhoudinge binne die Triumviraat is verydel namate die lede na meer omvattende politieke mag gestrewe het. 'n Burgeroorlog tussen Antonius en Octavianus is in 40 v.C. afgeweer deurdat Antonius met Octavianus se suster [[Octavia Minor]] in die eg getree het. Antonius het egter ten spyte van sy huwelik sy liefdesverhouding met Kleopatra voortgesit, wat sy politieke bande met Rome verder gekortwiek het. Na Lepidus se ontslag in 36 v.C., het die Triumviraat finaal opgebreek in 33 v.C. weens die geskille tussen Octavianus en Antonius. Die onenigheid is tot breekpunt gevoer met die [[Finale Oorlog van die Romeinse Republiek|burgeroorlog]] van 31 v.C. Die [[Romeinse Senaat]] het op Octavianus se aanleiding oorlog verklaar teen Kleopatra en Antonius is tot verraaier uitgeroep. Antonius is dieselde jaar deur Octavianus verslaan by die [[SeeslagSlag van Actium]]. Die oorwonne Antonius en Kleopatra het na Egipte gevlug waar hulle [[selfmoord]] gepleeg het.
 
Met Antonius se dood het Octavianus oorgebly as die onbestrede alleenheerser van die Romeinse wêreld. Octavianus sou die titel ''[[Augustus (titel)|Augustus]]'' aanvaar en regeer as die eerste [[Romeinse keiser]].