|
}}
Die '''Slag van Mykale''' ([[Antieke Grieks]]: '''Μάχη τῆς Μυκάλης'''; ''Machē tēs Mykalēs'') was een van die twee beslissende veldslae wat die tweede [[AchaemeenseAchaimeense Ryk|Persiese]] inval van Griekeland tydens die [[Grieks-Persiese oorloë]] beëindig het. Dit het plaasgevind op, of om en by 27 Augustus 479 v.C. op die hange van [[Mykale]]berg, aan die kus van [[Ionië]], teenoor die eiland [[Samos-eiland|Samos]]. Die stryd is gevoer tussen ‘n bondgenootskap van die [[Antieke Griekeland|Griekse]] [[stadstaat|stadstate]], insluitend [[Sparta]], [[Geskiedenis van Athene|Athene]] en [[Korinthe]], en die [[AchaemeenseAchaimeense Ryk|Persiese Ryk]] van [[Ahasveros]].
Die vorige jaar het die Persiese invalsmag, aangevoer deur Ahasveros self, seges behaal by die veldslae van [[Veldslag van ThermopylaeThermopylai|ThermopylaeThermopylai]] en [[Vedlslag van Artemisium|Artemisium]], en het [[Thessalië]], [[Boiotië]] en [[Attika]] ingepalm. Nietemin kon die geallieerde Griekse vloot by die daaropvolgende [[Seeslag van Salamis]], ‘n onwaarskynlike sege beklink, waardeur Persiese verowering van die [[Peloponnese]] afgeweer is. Ahasveros het toe teruggetrek, en sy generaal [[Mardonios]] met ‘n aansienlike weermag agtergelaat, vir die voltrekking van die Griekse kampanje in die volgende jaar.
In die somer van 479 v.C., het die Grieke ‘n reuseweermag (vir eietydse standaarde) saamgeroep, en opgemarsopgemarsjeer om Mardonios by die [[Slag van PlataeaPlataia]] teë te staan. Terseldertyd het die bondgenote se vloot na [[Samos]] gevaar, waar die ontmoedigde oorblyfsels van die Persiese vloot gestasioneer was. Die Perse, in ‘n poging om ‘n konflik te vermy, het hul vloot gestrand onder die hange van Mykale, en in samewerking met ‘n Persiese weermagafdeling ‘n palisadekamp opgerig. Die Griekse kommandeur [[Leotychides]] het besluit om die Perse nietemin aan te val, en het sy vloot se seesoldatekorps aan land geneem.
Alhoewel die Persiese magte hul heldhaftig verweer het, het die swaargepantserde Griekse [[hopliete]] hulself weereens bewys as uitnemend in krygsvoering, en kon uiteindelik die Persiese troepe oormeester, wat na hul kamp gevlug het. Die Ioonse Griekse kontingent van die Persiese weermag het oorgeloop, en ‘n aanval is op die kamp geloods waarin ‘n groot aantal Perse om die lewe gebring is. Hierna is beslag gelê op die Persiese skepe, wat aan die brand gesteek is. Die algehele uitwissing van die Persiese vloot, tesame met die vernietiging van Mardonios se weermag by PlataeaPlataia (na bewering op dieselde dag as die Slag van Mykale), het die Griekse inval beslissend beëindig. Na PlataeaPlataia en Mykale, het die Griekse bondgenote tot die offensief oorgegaan, wat ‘n nuwe tydvak van die [[Grieks-Persiese oorloë]] ingelui het. Alhoewel Mykale in elke opsig ‘n beslissende sege was, blyk dit nie van dieselde belang (selfs toe) geag te gewees het as byvoorbeeld die Atheense oorwinning by die [[Slag van Marathon]] of selfs die Griekse neerlaag te ThermopylaeThermopylai nie.
[[Kategorie:Veldslae|Mykale]]
|
