Olimpiese Somerspele 2012: Verskil tussen weergawes

[[Lêer:2012 Summer Olympics opening ceremony (11).jpg|thumb|regs|Die openingseremonie]]

Die openingseremonie het op 27 Julie 2012 in die Olimpiese Stadion plaasgevind. Die skouspel van £27 miljoen is deur William Shakespeare se toneelstuk ''The Tempest'' ("Die Storm") geïnspireer en onder die titel ''The Isles of Wonder'' as 'n wipwa-rit deur die Britse geskiedenis aangebied.<ref>[http://afrikaans.news24.com/Sport/OlimpieseSpele/Britse-sterkrag-sorg-vir-prettige-openingseremonie-20120727 ''afrikaans.news24.com: Sterkrag sorg vir prettige openingseremonie'']</ref> Die vervaardiger en kunsdirekteur was die rolprentregisseur en [[Academy Award|Oscar-wenner]] Danny Boyle, terwyl twee lede van die elektroniese musiekgroep ''Underworld'', Rick Smith en Karl Hyde, as musiekdirekteur gefungeer het. Engelse vermaaklikheidsterre en sporthelde het hul verskyning gemaak.

Die eerste deel van die openingseremonie was aan die ekonomiese en maatskaplike ontwikkeling van die Verenigde Koninkryk gewy en het die tradisionele landelike lewe, die nywerheidsomwenteling en die 1960's behandel. 'n Verruklike landskap, waarvoor die heuwelpiek [[Glastonbury Tor]] as voorbeeld gedien het, is gaandeweg deur fabrieke, rokende skoorstene en stomende enjins verdring. Boere is deur 'n stedelike bevolking vervang. Werkers het 'n Olimpiese ring gesmee, terwyl betogers opgeruk het.