Slag van die Twee Riviere: Verskil tussen weergawes

Content deleted Content added
RAM (besprekings | bydraes)
Nog besig met artikel
 
RAM (besprekings | bydraes)
No edit summary
Lyn 1:
Die ''Slag van die Twee Riviere'' het op die 28<sup>ste</sup> November 1899 tydens die [[Tweede Vryheidsoorlog]] by die sameloop van die Modderrivier en die Rietrivier plaasgevind. [[Generaal de la Rey]] het na die veldslae te [[Slag van Graspan|Graspan]] en [[Slag van Belmont|Belmont]] waargeneem dat die ou Boerestrategie om koppe in te neem nie meer 'n volhoubare strategie was nie aangesien die koppies nie net binne bereik was van die Britse kanonne nie maar ook uitstekende teikens vir die [[artillerie]] was. Verder het die styl hellings van die koppe ook goeie dekking aan die aanvalsmag verleen as hulle eers die voet van die kop bereik het. Hy het besef dat gelyke grond veel beter skuiling kon bied en ook 'n meer doeltreffender skootveld aan die moderne gewere besorg het. [[Generaal de la Rey]] het ook anders as die gewone gebruik om 'n rivier as hindernis te gebruik, sy burgers aan die suidekant van die rivier laat ingrawe. Om 04h00 die oggend was die Britse mag aan't opmars na die Modderrivier-brug (die spoorlynspoorbrug loop vandag nog op dieselfde plek oor die rivier en 'n replika van 'n [[blokhuis]] kan vandag nog daar gesien word). [[Lord Methuen]] wat die Boeremagte op die koppe verwag het, het reguit in die Boere se lokval ingestap. Die skietgeveg tussen die twee magte het 'n volle 10 uur lank geduur. Die Britte was aanvanklik vasgepen op die oop veld maar 'n aanval op die Boeremagte se regterflank was suksesvol en het die Boere genoop om te ontrek. Die Britse verliese was 70 sterfgevalle en 413 gewondes; [[Lord Methuen|Methuen]] self is in die regterheup gewond tydens die geveg. Aan die Boeremagte se kant is 16 gedood, 66 gewond en 13 manskappe is gevange geneem.