Tydens die dekade na 1990 het die onderneming noustrop getrek en is die skryfbehoefte-en-boekwinkel gesluit. Die maatskappy het [[Rhodes-universiteit]] in [[2003]] genader met die oog op oorname, omdat die eienaar wou verseker dit bly in plaaslike besit moet bly, ondanks aanbiedinge van nasionale mediagroepe. So word Grocott and Sherry op [[1 September]] [[2003]] die David Rabkin Project for Experiential Journalism.
Die nuwe eienaars spits hulle daarop toe dat die koerant gemeenskapsgerig bly, pleks van 'n studentekoerant word, hoewel tot 70 studente jaarliks eerstehands leer van regverdigheid, spertye en beriggewing. Die doel van die inisiatief is om te verseker dat ''Grocott's Mail'' lewenskragtig bly en ook dien as werktuig vir die onderrig van joernalistiek aan die universiteit, wat beskik oor 'n wêreldberoemde skool vir joernalistiek en mediastudies het. Die onderneming is die eerste van sy aard in [[Suid-Afrika]], maar dit is ook in die dorp Columbia in die Amerikaanse deelstaat [[Missouri]] gedoen waar 'n soortgelyke koerant reeds die afgelope meer as 90 jaar verskyn.
