[[Lêer:Nokia Lumia 1520 (11433201303).jpg|duimnael|'n Nokia Lumia 1520]]
'''Microsoft Lumia''' (voorheen bekend as ''Nokia Lumia'') is 'n reeks van mobiele toestelle wat deur ''Microsoft Mobile'' as opvolger van ''Nokia'' ontwerp en bemark word. Die [[slimfoon]]reeks, wat in November 2011 op internasionale markte ingevoer is, was die resultaat van 'n langdurige vennootskap wat tussen die [[Verenigde State|Amerikaanse]] sagtewarereus ''Microsoft'' en die [[Finland|Finse]] selfoonvervaardiger ''Nokia'' gesluit is. So is alle ''Lumia''-slimfoonmodelle met die ''Windows Phone''-bedryfstelsel toegerus.
Op 3 September 2013 het ''Microsoft'Microsof' aangekondig dat hulle ''Nokia'' se mobiele toestelafdeling sal oorneem. Dié oorname is op 25 April 2014 afgehandel. In 'n oorgangsfase, wat in Oktober 2014 beëindig is, het ''Microsoft'' voortgegaan om die ''Nokia''-handelsmerk op ''Lumia''-toestelle te gebruik. Dit is vervolgens amptelik uitgefaseer en vervang deur die ''Microsoft''-handelsmerk.
Die slimfoonreeks se naam is afgelei van die partitiewe meervoudsvorm van ''lumi'', die [[Fins]]e term vir [[sneeu]].
