Amasone (mitologie): Verskil tussen weergawes

Een van die take wat [[Herakles]] moes uitvoer, was om die Amasone-koningin [[Hippolyta]] se towergordel in die hande te kry (''[[Apollodorus]]'' ii. 5). Hy is vergesel van sy vriend [[Theseus]], wat prinses [[Antiope (mitologie)|Antiope]], Hippolyte se suster, ontvoer het. Dié insident het gelei tot ’n wraakaanval teen [[Attica]] waarin Antiope dood is terwyl sy aan Theseus se sy geveg het. In ander weergawes trou Theseus egter met Hippolyta en in ander trou hy met Antiope en sterf sy nie. Die geveg tussen die Atheners en die Amasones word herdenk met ’n hele genre kuns in marmer-reliëfwerke, soos van die [[Parthenon]] of die beeldhouwerke van die [[Mausoleum van Halicarnassus]].

 

 

Hulle kom ook voor in die tyd van [[Alexander die Grote]]. Van sy biografieskrywers noem dat die Amasone-koningin [[Thalestris]] hom besoek het en ’n kind by hom gehad het. Verskeie ander biografieskrywers ontken dit egter, onder andere die gerekende [[Plutarch]]. In sy geskrifte noem hy hoe ’n vlootaanvoerder van Alexander, [[Onesicritus]], die deel oor die Amasones voorgelees het aan koning [[Lysimachus]] van [[Thrakië]], wat op die oorspronklike ekspedisie was. Die koning het vir hom geglimlag en gesê: "En waar was ek dan?"