Verskil tussen weergawes van "NG gemeente Boshof"

geen wysigingsopsomming nie
Die '''NG gemeente Boshof''' is 'n gemeente in die [[Vrystaat]]se Sinode van die [[Nederduitse Gereformeerde Kerk]] met sy middelpunt op die dorp [[Boshof]].
 
== Ontstaan ==
In Julie 1839 het David Stefans Fourie en sy twee skoonseuns, Gert Petrus Jacobs en Johannes Petrus van Zyl, afkomstig uit Beaufort-Wes, hul intrek geneem in daardie deel van die Vrystaat wat nou as die Boshofse distrik bekendstaan. Hierdie drie pioniers is spoedig deur ander gevolg, sodat reeds in die vroeë vyftigerjare van duie 19de eeu die westelike hoek van die Vrystaat taamlik goed deur blankes bewoon is. Groot was die beproewings wat hierdie baanbrekersgeslag gely het as gevolg van die roof- en moordtogte van verskeie inboorlingstamme, waarin veral die Boesmans onder leiding van hul kaptein, Skeel Koos, uitgemunt het.
 
Op die eerste bladsy van die eerste notuleboek van die Boshofse gemeente is in die nette handskrif van die onvergeetlike ds. [[Andrew Murray]], toenmalige predikant van [[NG gemeente Bloemfontein|Bloemfontein]], aangeteken dat 'n kommissie van die Transgariepse Ring in November 1856 na die plaas Van Wyksvallei gekom het "ter oprichting eener afzonderlijke gemeente". Hierdie gemeente sou die naam dra van "Boshof", destyds president van die Vrystaatse Republiek. Die nuwe gemeente het 'n baie groot gebied beslaan, waaruit later verskeie ander gemeentes afgestig is, naamlik Jacobsdal (1860), [[NG gemeente Kimberley|Kimberley]] en [[NG gemeente Dutoitspan|Dutoitspan]] (albei 1872, hoewel eintlik buite sinodale verband), Bultfontein (1874), Hoopstad (1876), Petrusburg (1892), Dealesville (1904) en Hertzogville (1917).
 
== Eerste leraar en kerkbou ==
In April 1864 het die gemeente sy eerste leraar verwelkom in die persoon van ds. H.W. Brandt, "proponent bij het kerkbestuur der Hollandsche Protestantsche Gereformeerde kerk van de Vereenigde Staten". In November 1871 is hy opgevolg deur ds. J.H. van Wyk, wat die gemeente tot Oktober 1884 bedien het. In sy ampstermyn het die gemeente, geestlik sowel as andersins, mooi groeikrag geopenbaar en is ook (in 1874) "de nieuwe kerk" gebou en ingewy. Hierdie kerkgebou is in 1913 tot sy huidige vorm vergroot, maar in 1954 hernu. Die oorspronklike argitek was [[Richard Wocke]] (1831-1890), wie se ander Vrystaatse NG kerke dié op Edenburg (1874), [[NG gemeente Philippolis|Philippolis]] (1871), [[NG gemeente Rouxville|Rouxville]] (1881; verander in 1924) en Brandfort (1885) insluit asook die [[NG gemeente Bloemfontein|Tweetoringkerk]] in [[Bloemfontein]]<ref> {{en}} [http://www.artefacts.co.za/main/Buildings/archframes.php?archid=1923 Besonderhede oor Richard Wocke op Artefacts.co.za]. URL besoek op 24 November 2014.</ref>.
 
== Latere leraars ==
Ná ds. Van Wyk het ook nog die volgende leraars in die gemeente gestaan tydens die eerste 129 jaar van sy bestaan: P.S. van Heerden (1885 - '99), D. Bosman (1899 - 1904), P. van der Merwe (1905 - '12), A.J. Malherbe (1913 - '35), E.J. du Toit (1935 - '39), P. Grobbelaar (1940 - '45) en H.J. Otto (1946 — [[28]] [[April]] [[1985]]). Waar hierdie gemeente (D.V.) oor enkele jare sy eeufees kan vier, kan hy met groot dankbaarheid jeens God terug kyk op 'n eeu van genade. Die gemeente het weliswaar in sy geskiedenis ook veelbewoë tye belewe, maar was o.a. geseën met toegewyde en diensvaardige leraars wat, met medewerking van die kerkrade en lidmate, die gemeente opgebou het tot 'n liggaam wat, ons vertrou, God welbehaaglik is.
 
84 871

wysigings