Jeppestown: Verskil tussen weergawes

Content deleted Content added
Morne (besprekings | bydraes)
Nuwe bladsy geskep met 'links|270px|duimnael|Op de Bergenstraat, Jeppestown, met die NG kerkgebou regs op die foto. '''Jeppestown''' is ’n oostelike...'
(Geen verskil)

Wysiging soos op 14:51, 24 November 2014

Jeppestown is ’n oostelike voorstad van Johannesburg, Gauteng, Suid-Afrika.

Op de Bergenstraat, Jeppestown, met die NG kerkgebou regs op die foto.

Geskiedenis

Jeppestown is aangelê omstreeks of kort ná 1886 deur C.E.G. Juliu Jeppe, wat die Ford and Jeppe Estate Company saam met sy seun, ook Julius, en L.P. Ford opgerig het. In 1893 is die Vrymesselaarstempel voltooi. In 1894 is Jeppestown beskryf as bestaande uit 421 geboue, twee kerke, ’n Vrymesselaarstempel, die Sint Maria-kollege vir Meisies en ’n biblioteek. In 1894 het die voorstad 5 647 inwoners gehad. Die Sint Michael-skool vir Seuns, wat intussen hernoem is tot die Hoër Seunskool Jeppe, is in 1890 opgerig en die oop stuk grond, genaamd Julius Jeppe Oval, is omstreeks dieselfde jaar in ’n park omskep. Die oostelike deel van Jeppestown het later as Belgravia bekendgestaan.

NG gemeentes

Die NG gemeente Jeppestown was 'n gemeente van die Nederduitse Gereformeerde Kerk wat op Donderdag 8 Julie 1897, dieselfde dag as NG gemeente Johannesburg-Oos, van die moedergemeente afgestig is. Dit was deels (saam met Johannesburg-Oos die moedergemeente van die Turffontein (1906), waaruit al die gemeentes in die suide van die stad mettertyd regstreeks of onregstreeks ontstaan het en die moedergemeente van al drie die gemeentes in die ooste van Johannesburg, naamlik Malvern, Bezuidenhoutsvallei en Belgravia. Jeppestown het op 1 November 1992 met Malvern saamgesmelt om die gemeente Kensington te vorm. Sedertdien word die geskiedkundige Jeppestown-kerk deur ’n ander kerkverband gebruik.

Die NG gemeente Belgravia het in 1952 van Jeppestown afgestig as laaste van die moedergemeente se drie dogtergemeentes in die oostelike voorstede. Belgravia het 'n toringkerk van sierstene in die Neo-Bisantynse boustyl op die hoek van Marshall- en Blorestraat opgerig teen 'n heuwel in 'n boomryke straat. Die omgewing was uit die staanspoor meer gegoed as dié rondom die moederkerk. In 1904 het "A Guide to the Transvaal" byvoorbeeld oor Johannesburg se woonbuurte gemeld: "Die meer gegoede voorstede is Parktown, Berea, Belgravia en Doornfontein; die armer buurte is Fordsburg, Braamfontein en Jeppes. Vrededorp word amper uitsluitlik bewoon deur arm Afrikaners ('Dutch'). Staatsamptenare verhuis na Richmond en Melville."[1]

Bronne

Verwysings