NG gemeente Bothaville: Verskil tussen weergawes
Content deleted Content added
Morne (besprekings | bydraes) No edit summary |
Morne (besprekings | bydraes) No edit summary |
||
Lyn 23:
Tydens die tweede helfte van die 18de eeu was daar reeds erkende gemeentes op [[NG gemeente Klerksdorp|Klerksdorp]], Kroonstad en Hoopstad. Weens die geweldige uitgestrektheid van dié gebied asook die ontoereikendheid van die destydse vervoermiddels het die behoefte ontstaan aan 'n meer sentrale plek vir die beoefening van godsdienstige aktiwiteite. Van die vooraanstaande inwoners uit die sentrale deel van die gebied het vergaderings gehou en uiteindelik besluit om die plaas Botharina van die heer T.L. Botha aan te koop vir £7 000. Driehonderd erwe is uitgemeet en sommige is verkoop ten einde geld te bekom vir die bou van 'n kerk. Die eerste gemeente is dan ook gestig in Oktober 1891 met ds. C.J. Snyman as eerste leraar. Sy bediening het geduur tot kort voor die uitbreek van die [[Tweede Vryheidsoorlog]].
Die woonhuis van O.T. Carey op die hoek van Fontein- en Kerkstraat was die eerste pastorie en dié gebou, sowel as die meeste van die dorp se geboue het dieselfde lot tydens die Oorlog gedeel toe alles afgebrand is, maar die kerk, hoewel baie verniel, het behoue gebly. Ná ds. Snyman se vertrek het ds. Theophilus Christiaan Dönges, die vader van die latere kabinetsminster [[Eben Dönges]], hier waargeneem van 1896 tot 1903. Hy is opgevolg deur ds. C.H. Boshoff, wat tydens sy bediening hier op [[10 Julie]] [[1909]] oorlede is. Dit was 'n swaar slag vir die gemeente toe hy sy eie lewe neem.
== Ds. Krige se vrugbare bediening ==
Hierna was die gemeente 18 maande lank vakant terwyl sewe vergeefse beroep uitgebring is tot ds. J.J. Krige van die [[NG gemeente Indwe]] aan die begin van 1911 die beroep hierheen aangeneem het. Hulle moes van Indwe af per trein na [[Kroonstad]] kom en vandaar met kar en perde na Bothaville vervoer word. Hulle huisraad is met ossewaens op Kroonstad gehaal. Hulle het toe met die Smaldeelpad gekom van Kroonstad waar hulle omtrent drie myl uit die dorp uit op die Odendaalsrus-pad ontmoet is. By die pastorie het die kinders hulle toegesing: "Bring my die ou, ou tyding." Verskillende adresse is ter verwelkoming voorgelees, onder meer van die kerkraad en gemeente, die skool en die dorpsraad. Destyds was daar nog nie motors nie en so was ds. Krige soms amper heelweek van die pastorie af weg op huisbesoek. Sy salaris was £350 per jaar, maar hy moes sy eie kar en perde voorsien. In sy tyd is verenigings soos die CSV en Jongeliede-debatvereniging gestig. Daar was nog geen saal beskikbaar nie en alle vergaderings moes in die skool, wat uit twee klaskamers bestaan het, gehou word.
Bothaville se ou kerk was baie primitief met 'n grondvloer en familiebanke en 'n klein platvorm langs die preekstoel waar die klein huisorrel gestaan het om die gemeente te begelei in sang. Mev. Krige was orreliste teen geen vergoeding nie en het ook die kore afgerig. Sy het die moederstad van die [[Vrouesendingbond|Oranje-Vrousendingbond]] op [[12 April]] [[1912]] in die pastorie gestig toe nege lede aansluit. Dié klein getal het dadelik aan die werk gespring en al was die inkomste klein weens die slegte gesindheid jeens die sending, is hulle nie ontmoedig nie. Mev. Krige het ook die KSK gestig, en wel op [[15 Oktober]] [[1912]].
| |||