Enrico Fermi: Verskil tussen weergawes

'''Enrico Fermi''' ([[29 September]] [[1901]] - [[28 November]] [[1954]]) was 'n Italiaanse kernfisikus. Hy is gebore in [[Rome]]. Hy studeer aan die Universiteit van Pisa en word later aangestel as lektor in fisika by die Universiteit van Florence in 1924. In 1926 aanvaar hy 'n pos as professor by die Universiteit van Rome in Teoretiese Fisika. In 1938 word die [[Nobelprys]] in Fisika aan hom toegeken en hy verhuis na die [[VSA]] en hy aanvaar 'n lektor pos by die Universiteit van Columbia. Met die aanvang van die [[Tweede Wêreldoorlog]] was hy aktief besig met atomiese energie projekte en in Februarie 1940 maak president [[Franklin D. Roosevelt]] $6000 beskikbaar vir verdere navoring. Dit was die begin van die Manhattanprojek. Aan die einde van 1941 was die projek oorgeplaas na die Universitiet van Chicago. Op 2 Desember 1942 was die eerste beheerde en selfonderhounde kettingreaksie suksesvol voltooi onder die beheer van Fermi. Dit gee aanleiding tot verdere ontwikkeling en die eerste kernkrag ontploffing. Na die oorlog aanvaar Fermi 'n pos as professor van Fisika by die Universiteit van Chicago in 1946. Op 16 November 1954 ken die Amerikaanse Atoomenergie Korporasie 'n prys van $25,000 aan hom toe uit erkenning van sy werk op die gebied van kernfisika. Hy sterf op 28 November 1954 in [[Chicago]].