NG gemeente Namakwaland: Verskil tussen weergawes

Weer eens het die gemeente 'n lang tyd herderloos gebly totdat ds. Willem Siebert Edward Rörich, voorheen hulpprediker namens die Ring van Burgersdorp in [[Griekwaland-Oos]] en [[Tembuland|Temboeland]], in April 1898 bevestig is. Ds. Rörich het op Garies gaan woon tot daar in 1904 'n selfstandige gemeente afgestig is en 'n groot deel van die moedergemeente afgesny is. Ná dié tyd het hy op Bowesdorp gaan woon, sowat 60 km van Springbok, die latere middelpunt van die Namakwalandse gemeente, gaan woon. Hier het hy sy werk voortgesit totdat die band tussen leraar en gemeente op [[26 Januarie]] [[1908]] deur die tussenkoms van die Ring van Clanwilliam losgemaak is. Ongelukkig verstrek die geraadpleegde bronne nie die rede vir dié stap nie, maar die ''Jaarboek'' van die NG Kerke vir die jaar 1949 meld wel by naam dat hy in 1908 geskors is en oorlede op [[25 Februarie]] [[1929]].