Tertius Myburgh: Verskil tussen weergawes

'''Albert Tertius Myburgh''' ([[26 Desember]] [[1936]] - [[2 Desember]] [[1990]]) was 'n [[Suid-Afrika]]anse verslaggewer en koerantredakteur wat veral bekendheid verwerf het in sy hoedanigheid as redakteur van die invloedryke ''[[Sunday Times]]''. Hy is drie weke voor sy 56ste verjaardag en agt weke nadat hy met terminale kanker gediagnoseer is, tuis oorlede.<ref>[http://152.111.1.88/argief/berigte/beeld/1990/12/3/1/9.html Hulde gebring aan Tertius Myburgh], [[Beeld]], 3 Desember 1990</ref>

 

 

Sy eerste betrekking, nadat hy sy praktiese opleiding by ''[[The Friend]]'' in [[Bloemfontein]] se opleidingsprogram kry, was in die Londense kantoor van die [[Independent News & Media|Argus-koerantgroep]] van 1958 tot 1960. Hy keer terug na Suid-Afrika en werk van 1963 af by ''[[The Star]]'' in [[Johannesburg]] as politieke en parlementêre verslaggewer en word reeds in Julie 1967 bevorder tot assistent-redakteur van die ''[[Daily News]]'' in [[Durban]]. Van [[1 Januarie]] [[1971]] tot Maart 1975 dien hy as redakteur van die ''[[Pretoria News]]'' en hierna word hy bevorder tot redakteur van die grootste koerant in [[Suid-Afrika]], die ''[[Sunday Times]]'', van [[1 April]] [[1975]] af.

 

Myburgh het wydlopende ervaring in die wêreldjoernalistiek opgedoen nadat hy jare lank as 'n geakkrediteerde Suid-Afrikaanse medewerker vir die ''New York Times'' en die nuustydskrif ''Time'' opgetree het. Hy is ook stigter van die Suid-Afrikaanse Konferensie van Redakteurs en 'n stigterslid van die Suid-Afrikaanse Mediaraad. Hy het ook bydraes gelewer tot die ''Christian Science Monitor'', die ''Financial Times'' en die ''Daily Express'' in [[Londen]]. Op televisie en oor die radio het hy gereeld deelgeneem aan besprekings oor die politiek en aktuele sake.

 

Myburgh het wyd gereis vir opdragte in [[Europa]], [[Noord-Amerika]], [[Suid-Amerika]], die [[Midde-Ooste]] en die [[Verre Ooste]]. Na [[Wes-Duitsland]], die [[Verenigde Koninkryk]], [[Kanada]], [[Israel]], [[Griekeland]] en die [[Taiwan|Republiek van Sjina]] het hy spesiale studiereise onderneem as gas van dié lande se regering.

 

 

 

Myburgh bedank in September 1990, ná 15 jaar, as redakteur van die ''Sunday Times'' om Suid-Afrika se ambassadeur in Washington of Londen te word, waarskynlik die destydse pres. [[P.W. Botha]] se dankbetuiging vir die ''[[Sunday Times]]'' se milde kritiek met Myburgh aan die stuur. Net vier dae later is terminale kanker by hom gediagnoseer, hy wys die aanstelling van die hand en hy sterf tuis, net drie weke voor hy 56 sou word.

 

Prof. Hendrik Willem van der Merwe skryf in 1987 die boek ''A question of survival - Conversations with key South Africans'' van Myburg: "Hy bevind hom iewers in die Establishment en hy het betreklike behoudende standpunte oor seker sake. In die toekoms sal sy bydrae krities van die regering wees solank hulle nie wegdoen met sekere diskriminerende raswette nie, maar hy sal waarskynlik ook krities wees van outoritêre maatreëls. Dus, in 'n fundamentele sin, beskou ek hom nie as in teenstand tot die Establishment nie." In dieselfde boek skryf die politieke ontleder prof. Hennie Kotzé: "In terme van die agenda-bepalende rol wat hy vertolk, deur die grootste Sondagkoerant, is hy belangrik. Die ''[[Sunday Times]]'' is ook ingehaal deur die gebeure in Suid-Afrika en is nie meer die liberale koerant wat dit eens was nie. Dit is bra konserwatief en die regering hou daarvan omdat dit kritiseer, maar nie te kwaai nie. Maar hy is wel belangrik." [[Max du Preez]] beaam die standpunt dat Myburgh kop en in een mus met die regerende party van destyds was in 'n rubriek in die ''[[Mail & Guardian]]'' van [[11 Januarie]] [[2009]] oor die dood van [[Helen Suzman]]. Du Preez het in 1985 weer in die persgalery in die Parlement gaan werk, dié keer vir die ''[[Sunday Times]]''. "Nou was my politieke baas Tertius Myburgh. Tertius was gans en al te glad om vir (Helen Suzman) kru etikette te gee soos (Alf) Ries (politieke redakteur van ''[[Die Burger]]'' toe Du Preez vir daardie koerant gewerk het) gemaak het, maar is laat verstaan dat sy 'n 'onproduktiewe politieke mag' was wat die Afrikaner en Afrika-politiek heeltemal misverstaan het."

 

 

* Fischer, Alan en Albeldas, Michel (reds.). 1987. ''A question of survival - Conversations with key South Africans. Johannesburg: Jonathan Ball Publisers.

* Roberts, T. 1975. ''Who's who of Southern Africa''. Johannesburg: Combined Publishers (Pty.) Ltd.

 

{{Verwysings}}

 

* [http://www.justice.gov.za/trc/media/1997/9709/s970916d.htm Die voormalige regeringspioen John Horak beweer Myburgh het met hom saamgewerk.]

* [http://nieman.harvard.edu/NiemanFoundation/NiemanFellowships/MeetTheFellows/AlumniFellows/ClassOf1966.aspx Foto van 1966 se Nieman-genote.]