Sokrates: Verskil tussen weergawes

'''Sokrates''' ([[Grieks]]: Σωκράτης [sɔːkrátɛːs], ''Sōkrátēs''), gebore om en by [[470 v.C.]] en gesterf in [[399 v.C.]], was die eerste groot [[Griekse filosofie|Griekse filosoof]] gebore in [[Athene]]. Hy het tydens die goue era van die stad, soos dit vandag bekend staan, geleef. Hy het een vrou en drie kinders gehad. As 'n jong man het hy die toe gewilde filosofieë van wat vandag bekend staan as die "pre-Sokratiese filosowe" bestudeer. Hierdie sogenaamde pre-Sokratiese filosowe het elk in hul eie manier die natuurlike wêreld rondom hulle probeer verstaan. Twee dinge omtrent hierdie filosowe het Sokrates veral geïnteresseer - en beide van hierdie twee dinge het Sokrates gedink was teen hul voordeel. Die eerste probleem was dat al hierdie filosowe teenstrydige filosofieë gehad het. Dit was 'n magdom van teorieë in konflik met mekaar. En bowen alles het daar geen bevredigende manier bestaan om tussen die verskillende teorieë te kies nie. Die teorieë het fassinerende ideë oor die wêreld uitgestippel, maar sonder om van enige kritiese metodes gebruik te maak. Dit was dus gevolglik onmoontlik om te bepaal watter van hulle, indien enige, die waarheid gespreek het. Sokrates se tweede probleem met hierdie filosowe was dat dit weinig praktiese verskil sou maak indien mens uiteindelik kon uitvind watter van die teorieë waar was. Hy het homself afgevra wat die effek dit op ons lewens sou hê indien ons geweet het hoe ver die [[son]] van die [[aarde]] is, en of die son so groot soos die [[Peloponnees]] of selfs groter as die hele wêreld is. Die [[mens]] se optrede kan tot geen mate deur hierdie kennis beïnvloed word nie. Wat die mens wél moet weet, het Sokrates geredeneer, is hoe ons ons lewens en onsself moet uitleef. Vir die mens is die belangrike vrae eerder iets soos: "Wat is goed? Wat is reg? Wat is regverdig?" Indien ons die antwoorde tot hierdie vraagstukke sou kon weet, sou dit 'n merkwaardige invloed op ons lewenswyses kon hê. Sokrates het egter nie gedink dat hy oor die antwoorde tot hierdie vraagstukke beskik nie. Maar hy het wel gesien dan niemand anders dit ook geweet het nie.

 

 

== Eksterne skakels ==