Johann Rissik: Verskil tussen weergawes

Content deleted Content added
Lyn 32:
 
== Johannesburg se naam ==
Rissik en Christiaan Johannes Joubert het waarskynlik aan Johannesburg sy naam besorg. Rissik en Joubert het op 3 Augustus 1886 opdrag gekry om verslag te doen oor plase aan die [[Witwatersrand]] wat as delwerye geproklameer kan word, en om 'n plek vir 'n dorp te bepaal. Rissik en Joubert is bygestaan deur veldkornet Johannes Petrus Meyer. Meyer was voordat die [[Goud|hoofgoudrif]] ontdek is reeds met die gebied verbind, en was vir alle aangeleenthede rakende die hoofrif verantwoordelik. Hulle het saam besluit dat die suidelike deel van Randjieslaagte die geskikste plek vir die dorp sou wees.
 
Daar word algemeen aanvaar dat Rissik en Joubert die dorp na Meyer vernoem het. Dié voorstel is na pres. [[Paul Kruger]] verwys, wat geen beswaar gehad het nie. Hy het glo opgemerk dat hy, [[Willem Johannes Leyds|Leyds]] (die staatsprokureur), Rissik én Joubert almal Johannesse was en dat die voorstel daarom des te meer aanvaarbaar was. Die feit dat soveel mense in die regering en staatsdiens Johannes geheet het, het ook gehelp.