Elizabeth Conradie: Verskil tussen weergawes

Content deleted Content added
No edit summary
No edit summary
Lyn 1:
Dr. '''Elizabeth Johanna Möller Conradie''' (distrik [[Tulbagh]], [[10 Augustus]] [[1903]] - [[Amsterdam]], [[27 Oktober]] [[1939]]) was 'n Afrikaanse lektor wat haar kort lewe aan die uitbouing van die Afrikaanse kultuur gewy het.
 
In 1919 lê sy die matriekeksamen op [[Tulbagh]] af en gaan na die [[Hugenote-kollege|Hugenote-universiteitskollege]] op [[Wellington]] waar sy die grade B.A. en M.A. in [[Nederlands]] met onderskeiding behaal. Twee jaar was sy hier lektrise en in 1929 is sy na die Universiteit van Amsterdam waar sy haar studie voortsit onder proff. Prinsen en Stoett.
 
In 1932 het sy die doktorale eksamen cum laude daar afgelê. Daarna keer sy na Suid-Afrika terug en word aan die begin van 1933 as lektrise aan die Universiteitskollege van die Oranje-Vrystaat (die latere [[Universiteit van die Vrystaat]]) aangestel. Reeds aan die einde van daardie jaar keer sy na Holland terug waar sy op [[13 Februarie]] [[1934]] aan die Universiteit van Amsterdam promoveer met die doktorale proefskrif ''Hollandse skrywers uit Suid-Afrika, 1652-18751652–1875''. In die Vrystaat vervul sy 'n leidende rol in die kultuurlewe met betrekking tot toneel, kunswedstryde ens. Sy hou oral lesings en word mederedakteur van die ''Tydskrif vir Wetenskap en Kuns''. Veral het sy haar beywer vir nouer samewerking tussen die Dietse lande.
 
Dr. Conradie was tot aan die einde van 1938 aan die UKOVS werksaam, toe sy haar bedanking indien en na Holland gaan, waar sy die Afrikaanse leerstoel aan die Universiteit van Amsterdam waargeneem het tydens die siekte van prof. G. Besselaar. Hier het sy haar lewenstaak beskou as die versterking van die kultuurbande tussen Suid-Afrika, [[Nederland]] en [[België]]. In Desember 1939 sou sy na Suid-Afrika terugkeer om diens te aanvaar as prinsipale van die Hugenote-universiteitskollege. Voor sy kon terugkeer, sterf sy egter aan [[longontsteking]].
 
Sy was 'n geesdriftige werker vir die Afrikaanse saak. In talle tydskrif-artikels het sy materiaal byeengebring en gepleit vir die uitbou van die gemeenskaplike Dietse kultuur. As verteenwoordiger van die [[Suid-Afrikaanse Akademie vir Wetenskap en Kuns]] in [[Nederland]] en [[België]] was sy deurentyd onvermoeid met dié taak besig.
 
== Bronne ==
* Nienaber, P.J. 1949. ''Hier Is Ons Skrywers! Biografiese Sketse van Afrikaanse Skrywers''. Johannesburg: Afrikaanse Pers-Boekhandel