'''Solomon Barnato Joel''' ([[23 Mei]] [[1865]] - [[22 Mei]] [[1931]]) was 'n mynmagnaat en gebore in [[LondonLonden]]. Hy was die seun van Joel Joel en 'n neef van [[Barney Barnato]]. Hy arriveer in [[Suid-Afrika]] as 'n jongman, vestig homself in [[Johannesburg]] en word gou 'n vooraanstaande figuur. Hy word gevange geneem tydens die ''Reform''-beweging en word beboet. Na die dood van Barnato en sy eie broer, [[Wolf Joel|Wolf]], word hy hoof van die firmas ''Barnato Broers'' en ''[[Johannesburg Consolidated Investment]]''. Hy vestig hom ook in [[Engeland]] waar hy bekend word as 'n vooraanstaande renperdeienaar. Sy perd, Pommern, wen die ''Derby'' in 1915.
