Brandstofprospektering: Verskil tussen weergawes

Seismiese metodes word algemeen in die olienywerheid gebruik om die teenwoordigheid van brandstof wat in die rots vasgekeer is, asook die dikte van die poreuse bronrotse te bepaal. Ontploffings wat gekontroleer word, stuur skokgolwe deur die aardkorts wat weer teruggekaats word na 'n reeks verklikkers, wat [[geofoon|geofone]] genoem word. Die tyd wat dit die golwe neem om terug te keer, verskaf inligting oor die rotsformasies waardeur dit beweeg het. Hierdie inligting word ook in die [[steenkoolbedryfsteenkool]]bedryf gebruik om die dikte en lengte van ondergrondse steenkoollae te bepaal. In die soek na die radioaktiwiteit wat dui op uraanafsettings, word vonktellers in oorvlieënde [[vliegtuig|vliegtuie]] tans meer algemeen gebruik as [[Geiger-tellers]] wat in die hand gehou word.

Tydens 'n [[geochemie]]se opname word grond-, plant- en watermonsters ontleed met die hoop dat spoor-elemente wat met sekere ertssoorte verband hou, bespeur sal word. 'n Buitengewoon hoë persentasie [[radon]] ('n radioaktiewe gas wat uit radioaktiewe isotope van [[radium]] verval), dui dikwels op 'n uraanafsetting in die nabyheid.