Marilyn Monroe: Verskil tussen weergawes

{{Inligtingskas Akteur

| Naam = Marilyn Monroe

| Geboortenaam = Norma Jeane Baker

| Alias =

| Toekennings = Golden Globe vir [[Some Like it Hot]]

}}

 

Ná sy 'n groot deel van haar jeug in pleeghuise deurgebring het, het Monroe haar loopbaan as 'n model begin, wat tot 'n rolprentkontrak in 1946 gelei het. Haar vroeë rolle was klein, maar haar rolle in ''The Asphalt Jungle'' (1950) en ''All About Eve'' (ook 1950) is goed ontvang en namate haar loopbaan gevorder het, het sy as 'n sekssimbool bekend geword. Sy het lof ontvang vir haar komediese vermoë in rolprente soos ''Gentlemen Prefer Blondes'', ''How to Marry a Millionaire'' en ''The Seven Year Itch''. Sy het een van Hollywood se gewildste aktrises geword.

 

Monroe het dikwels moeite gehad om rolle anders as die "dom blondine" te kry en sy het doelbewus probeer om hierdie beeld van haar af te skud. Sy het drie mislukte huwelike gehad: met polisieman James Dougherty (1942–1946), bofbalspeler Joe DiMaggio (1954 – 1954) en toneelskrywer Arthur Miller (1956–1961). Dit was gedurende haar huwelik met Miller wat sy by die ''Actors Studio'' gestudeer het en die maatskappy ''Marilyn Monroe Productions'' gestig het. Haar dramatiese rol in William Inge se ''Bus Stop'' is deur die kritici geprys en sy het 'n Golden Globe-toekenning gewen vir haar rol in ''Some Like it Hot''.

 

Die laaste jare van Monroe se lewe was gevul met gesondheidsprobleme, persoonlike probleme en 'n reputasie as 'n onverantwoordelike en moeilike medewerker. Daar word steeds gegis oor die omstandighede van haar dood, as gevolg van 'n oordosis [[barbituraat|barbiturate]]. Alhoewel haar dood amptelik as 'n "waarskynlike selfmoord" geklassifiseer word, word die moontlikheid van 'n dood per abuis nie buite rekening gelaat nie. Samesweringsteoritici beweer dat sy vermoor is.

 

 

{{Commons|Marilyn Monroe}}