Gereformeerde kerk Eldoret: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
Lyn 15:
Twee jaar later, van 27 Mei tot 26 Augustus 1911, is ds. J. H. Kruger van [[Sterkstroom]] na Kenia gestuur om die gemeente in Midde-Afrika te bedien. Nog twee jaar later, in 1913 is ds. G. H. J. Kruger vanaf [[Barkly-Oos]] na Kania gestuur. Hy het, soos ds. J. H. Kruger, op verskillende plase gepreek, eredienste gehou en die sakramente bedien. Van die kinders het ook gekatkiseer onder die twee dominees. Tydens die verloop van die [[Eerste Wêreldoorlog]] het geen predikante die gemeente in Eldoret besoek nie.
 
Die konsulent vir die gemeente in Eldoret, ds. N. H. van der Walt is teen die einde van 1918 na Kenia. Sy besoek het die lidmate aangespoor tot fondsinsamelings vir die koop van ’n standplaas en die oprig van ’n kerkgebou. Teen hierdie tyd het die gemeente gegroei tot 186 lidmate. In September 1919 is ds. Van der Walt weer na Kenia. Hy gee katkisasieklas en sewe jong lidmate lê belydenis van geloof af. Teen die einde van November is ds. Van der Walt weer terug na sy eie gemeente in [[Middelburg, Mpumalanga|Middelburg (Tvl.)]]. Twee jaar later, in 1921, keer ds. Van der Walt terug na Kenia nadat ds. P. W. Bingle van [[Gereformeerde kerk Venterstad|Venterstad]] die gemeente sou besoek maar dit moes aflas omdat hy pampoentjies opgedoen het.
 
In 1922 keer ds. H. J. R. du Plessis, die eerste besoekende dominee, vir ’n paar maande terug na Kenia. In November 1924 is ds. C.W.M. du Toit vir vyf weke na Eldoret om onder meer katkisasie te geen en die sakramente te bedien. In hierdie tyd het die gemeente uiteindelik ’n stuk grond gekoop waarop uiteindelik ’n kerkgebou sou kom. In 1927 het ds. H. J. R. du Plessis weer na Kenia teruggekeer. Tydens sy besoek is daar op verskeie vergaderings ’n boukommissie saamgestel met die oog op die oprig van ’n kerkgebou. In 1929 is begin met die bou van ’n kerkgebou. In daardie jaar is ds. [[Willem Johannes de Klerk|W.J. de Klerk]] na Kenia en het sy vrou ’n nuwe nagmaalservies aan die gemeente Eldoret uit Suid-Afrika saamgebring. Op 20 September 1930 is die gedenksteen van die gebou deur ds. D. Rumpff gelê. Aan die einde van 1930 het die gemeente te Eldoret ’n wyk in die [[Belgiese Kongo]], ruim 1 300 km weg.