Hanse: Verskil tussen weergawes

Die Hansestede was in 'n gebied geleë wat oor sewe huidige Europese lande gestrek het: Die Hanse se magsgebied het die Noord-Europese gebied tussen die Nederlandse [[Suidersee|Zuiderzee]] in die weste tot by die Baltiese [[Estland]] in die ooste ingesluit, en die geweste tussen die Sweedse seehawe Visby in die noorde tot by 'n lyn wat in die suide deur die stede Keulen-Erfurt-Breslau-Krakau gemarkeer was. Vanuit hierdie kerngebied het die Hanse-koopmans hul invloedsfeer in Europa steeds uitgebrei totdat dit in die 16de eeu Europese gebiede tussen [[Portugal]] in die weste en [[Rusland]] in die ooste en tussen [[Skandinawië]] in die noorde en [[Italië]] in die suide behels het en vandag oor twintig Europese lande sou strek.