NG gemeente Brandfort: Verskil tussen weergawes

Jacobus van Zyl van [[Prins Albert]] in die [[Karoo]] het by die Voortrekkers aangesluit en ná die moord op Piet Retief in 1838 het hy en ander Trekkers weer oor die Drakensberge getrek. Hy het gekom tot op die plaas wat later Keerom genoem is. Reeds voor 1866 het hy probeer om op sy plaas 'n dorp aangelê te kry; aanvanklik het hy nie geslaag nie, maar op [[30 Oktober]] [[1866]] is die eerste 47 erwe op Brandfort verkoop. In 1874 is Brandfort eers tot dorp verklaar. Die gemeente Brandfort is in 1875 gestig. In die notule van [[5 Junie]] [[1875]] van die [[NG gemeente Bloemfontein]] staan geskryf: "De eerw. Voorz. deelt mede dat de Ringscommissie op 17 Junie aanstaande te Brandfort zal vergaderen om de grenslijnen dezer nieuwe Parochie te bepalen, en wenscht, dat daarby deze gemeente zal worden vertegenwoordigd." Die stigtingsdatum van die gemeente is dan [[17 Junie]] [[1875]]. ▼

Die Ringskommissie het op [[17 Junie]] [[1875]] die volgende kerkraadslede aangestel: J. van Zyl, H.J. van der Merwe en J.P. Maree (ouderlinge); H.O. Wilsenach, A.H. le Roux, W.J. Badenhorst, S.C. Vermaak en J.J. Marais (diakens). Ds. P.M. van Heyningen van [[NG gemeente Winburg|Winburg]] is as konsulent benoem en die eerste kerkraadsvergadering op [[31 Julie]] [[1875]] gehou. Die eerste leraar van die gemeente was ds. E.A.J. du Toit. Hy was predikant van [[NG gemeente Jacobsdal|Jacobsdal]] en op [[3 April]] [[1879]], toe hy beroep is, was hy konsulent van Brandfort. Hy het tot 1894 hier gestaan. Ná hom het in die eerste driekwarteeu gemeente se bestaan die volgende leraars hier gedien: Di. J.G. de Bruyn (1894 - 1904), C.H. Stulting (1905 - '13, wie se seun [[Jan Daniël Stulting]] hier gebore is en ook later predikant geword het), D.P. Cillié (1913 - '20), P.K. Albertyn (1921 - '26) en [[Ezra Pienaar|E.A. Pienaar]] (1926 - '30). Ds. Pienaar het in November 1926 die beroep na Brandfort aangeneem, waar hy net drie jaar kom werk toe hy deur die dood weggeneem is in die Nasionale Hospitaal in [[Bloemfontein]] op [[27 Februarie]] [[1930]]. Dit was sowat drie weke voor sy 47ste verjaardag. Sy laaste kanselboodskap aan sy gemeente was: "Of ons dan lewe en of ons dan sterwe, ons behoort aan die Here" (Rom. 14:8), maar omdat dit in 1930 was, sou hy nog gebruik gemaak het van die ''[[Statebybel]]'': "Want hetzij dat wij leven, wij leven den Heere; hetzij dat wij sterven, wij sterven den Heere. Hetzij dan dat wij leven, hetzij dat wij sterven, wij zijn des Heeren." Ná hom het gekom di. A.J. Olivier (1931 - '44) en P.N.V. de Lange (1944 - 51).▼