[[Beeld:Red ribbon.png|thumb|right|150px|Die rooi lint word wêreldwyd gebruik as die simbool van die solidariteit met mense wat 'n MIV-besmetting opgedoen het]] Die '''Verworwe Immuniteitsgebrek-Sindroom (VIGS)''' ([[Engels (taal)|Engels]]: ''AIDS'') tree op as 'n gevolg van 'n besmetting met die Menslike Immuniteitsgebrek-Virus ([[MIV]]), wat die immuunstelsel aanval en geleidelik vernietig. Pasiënte met 'n verswakte immuunstelsel is uiters vatbaar vir sekondêre (of opportunistiese) infeksies, en 'n bepaalde kombinasie van hierdie infeksies word as die sindroom VIGS gedefinieer.
MIV-infeksies word meesal deur seksuele omgang oorgedra, alhoewel die eerste VIGS-lyers in [[Afrika]] die virus, wat oorspronklik net by ape optree, deur die vertering van apevleis opgedoen het.
Tans is daar geen medisyne om VIGS-lyers te genees nie, tog kan die aanvang van die VIGS-sindroom deur bepaalde middels uitgestel word.
VIGS is vir die eerste in die jaar [[1981]] in die [[Verenigde State]] as 'n nuwe siekte geïdentifiseer. Aanvanklik doen veral homoseksuele mans, dwelmverslaafdes en hemofilie-lyers die siekte op.
VIGS skep groot probleme in gebiede waar 'n kombinasie van bepaalde faktore optree, soos byvoorbeeld die hantering van seksualiteit as 'n taboe-gelaaide onderwerp waarmee mense nie graag vrylik wil omgaan nie; sorgeloosheid ten opsigte van seksuele verkeer, maar ook seksuele verdrukking van vroue en minderheidsgroepe soos gay mans wat aanleiding gee tot die afwysing van moontlike veiligheidsmaatreëls (onder meer veiliger seks en die gebruik van kondome), prostitusie, veelvuldige, anonieme seksuele verkeer; armoede; onhigiëniese toestande en regerings wat nie oor die finansiële middele of die politieke wilskrag beskik om geskikte maatreëls teen die uitbreiding van die siekte aan te pak nie.
[[Suid-Afrika]] is een van die lande waar hierdie kombinasie van nadelige faktore tot 'n VIGS-pandemie gelei het, en volgens ramings is vyf miljoen Suid-Afrikaners tans met die MIV-virus besmet.
