Staatsmodelschool: Verskil tussen weergawes

[[Sytze Wierda]], hoofargitek van die ZAR, het die gebou in [[1895]] ontwerp en bouwerk is in [[1896]] deur Te Groen voltooi. Die struktuur bestaan uit stene en [[sandsteen]] en is volgens die Neo-Hollandse Renaissance-argitekskool gebou. Mnr. F. Wagner was die eerste hoof van die skool. Die beeldhouer [[Anton van Wouw]] het tussen [[1895]] en Oktober [[1896]], toe hy van [[Sammy Marks]] bevestiging ontvang het dat hy moes voortgaan met werk aan 'n [[Krugerstandbeeld|standbeeld van Paul Kruger]], by die skool en by die [[Staatsmeisjesschool]] klasse gegee. <ref> [[Universiteit van Pretoria|UP]], [http://www.up.ac.za/up/web/en/life/cultural_affairs/Van_Wouw/ The Anton van Wouw Collection] , Besoekbesoek op 14 Januarie 2007 </ref>

Op [[11 Oktober]] [[1899]] is die skool gesluit as gevolg van die uitbreek van die [[Tweede Vryheidsoorlog|Anglo-Boere Oorlog]]. Gedurende die oorlog is Britse offisiere in die gebou aangehou en die ontsnapping van [[Winston Churchill]], wat later eerste minister van die Verenigde Koninkryk geword het, is legendaries. Churchill is op [[15 November]] [[1899]] by Chieveley in [[Natal]] deur boeremagte gevangene geneem en het op [[18 November]] in Pretoria aangekom. Hy het op [[12 Desember]] 1899 ontsnap en te voet en per trein na [[Lourenço Marques]] gevlug. Drie ander gevangenes was Haldane van die Gordon Highlanders, luitenant Mesurier van die Dublin Fusiliers en sersant Brockie, 'n koloniale vrywilliger. Britse krygsgevangenes het 'n aantal sketse teen 'n muur van die skool aangebring wat bewaar word deur glas wat daaroor aangebring is. Die sketse sluit 'n kaart in wat die slagvelde in Natal en die opmars na Pretoria uitbeeld. Na die Britse besetting van Pretoria is die skool en die nabygeleë [[Staatsmeisjesschool]] as 'n militêre hospitaal gebruik. <ref>PJ Greyling, ''Pretoria en die Anglo-Boere Oorlog, 'n Gids'', Protea Boekhuis, Pretoria, Suid-Afrika, 2000, p66 </ref>