Polisie: Verskil tussen weergawes

Die '''polisie''' is 'n groep mense wat getaak is om wet en orde te handhaaf, [[misdaad]] te bekamp, die publiek te beskerm en tydens noodgevalle te help. Mense wat vir die polisie werk word polisiebeamptes of -offisiere genoem. Hulle is by 'n polisiestasie gestasioneer. Polisiebeamptes word onder andere in noodhulp en lewensredding opgelei, omdat hulle dikwels eerste by ongelukstonele (soos motorbotsings en brande) opdaag.

Verskillende lande gebruik verskillende name vir hulle polisie. In [[Ierland]] word hulle die ''Garda'' genoem. In [[Rusland]] het hulle as die ''Militsiyer'' bekend gestaan tot 2012, waarna dit na die ''Politsiyer'' hernoem is. Ander name sluit in: ''departement van openbare veiligheid'', ''sheriff's office'' en ''marshal's office''. In dieselfde land kan daar meer as een tipe polisiediens wees, soos militêre polisie, staatspolisie, plaaslike polisie, ens. Wêreldwyd bestaan polisiemagte slegs uit 'n klein persentasie van die bevolking wat dit bedien. Daar is gemiddeld 303,3 polisiebeamptes vir elke 100&nbsp;000 burgers (0.003%),<ref>''International Statistics on Crime and Justice'', eds. S. Harrendorf; M. Heiskanen; S. Malby (Helsinki, European Institute for United Nations Office on Drugs and Crime (UNODC), 2010), p. 115</ref> hoewel die gemiddeld in Suid-Afrika aansienlike hoër is.