Pous Leo X: Verskil tussen weergawes

Die pontifikaat van '''Pous Leo X''' is gekenmerk deur die opkoms van die Protestantisme. In [[1517]] spyker [[Martin Luther]] sy 95 stellings aan die kerkdeur in [[Wittenberg]]. Dit het vinnig geëskaleer tot 'n wydverspreide opstand teen die Kerk. Pous Leo het die beweging nie goed verstaan nie en in Februarie 1518 gee hy die owerste van die Augustyne opdrag om sy monnike die swye op te lê. Op [[30 Mei]] [[1518]] stuur Luther 'n verduideliking van sy stellings aan die pous en op [[7 Augustus]] word hy na Rome ontbied. Luther gaan egter na [[Augsburg]] in Oktober om die pouslike legaat kardinaal Cajetan te ontmoet. Op [[9 November]] [[1518]] publiseer Leo 'n bul waarin alle Christene verplig word om te glo dat die pous aflate kan toestaan. Luther weier om sy standpunt te wysig. In nog 'n bul van [[15 Junie]] [[1520]] word een-en-veertig van Luther se stellings veroordeel en op [[3 Januarie]] [[1521]] word Luther [[Ekskommunikasie|geëkskommuniseer]]. Die pous vra ook die keiser om energiek teen die dwalinge op te tree.