NG gemeente Bothaville: Verskil tussen weergawes

Hierna was die gemeente 18 maande lank vakant terwyl sewe vergeefse beroep uitgebring is tot ds. J.J. Krige van die [[NG gemeente Indwe]] aan die begin van 1911 die beroep hierheen aangeneem het. Hulle moes van Indwe af per trein na [[Kroonstad]] kom en vandaar met kar en perde na Bothaville vervoer word. Hulle huisraad is met ossewaens op Kroonstad gehaal. Hulle het toe met die Smaldeelpad gekom van Kroonstad waar hulle omtrent drie myl uit die dorp uit op die Odendaalsrus-pad ontmoet is. By die pastorie het die kinders hulle toegesing: "Bring my die ou, ou tyding." Verskillende adresse is ter verwelkoming voorgelees, onder meer van die kerkraad en gemeente, die skool en die dorpsraad. Destyds was daar nog nie motors nie en so was ds. Krige soms amper heelweek van die pastorie af weg op huisbesoek. Sy salaris was £350 per jaar, maar hy moes sy eie kar en perde voorsien. In sy tyd is verenigings soos die CSV en Jongeliede-debatvereniging gestig. Daar was nog geen saal beskikbaar nie en alle vergaderings moes in die skool, wat uit twee klaskamers bestaan het, gehou word.

 

Vanaf 1919 het mev. H.S. du Plessis mev. Krige met die speel van die orrel tydens eredienste gehelp.