Kankervereniging van Suid-Afrika: Verskil tussen weergawes

Kansa staan kankerpasiëntepasiënte wat [[kanker]] het by met versorging, ondersteuning en berading. Hulle het sorgsentrums reg oor die land met omvattende programme, wat hulp insluit om die fisieke, emosionele en/of geestelike aspekte van die newe-effekte van kankerbehandeling te hanteer.<ref name="kansa">[http://www.cansa.org.za/files/2015/02/WCD-2015-CANSA-Care-Centres-Afr.pdf CANSA Care Centres Afr (pdf)], URL besoek op 10 Mei 2015</ref> Die sentrums verhuur mediese toerusting aan kankerpasiënte, en pruike kan ná [[chemoterapie]] gekoop of gehuur word. Vir laasgenoemde doel het hulle ’n veldtog wat mense aanmoedig om hul poniesterte te skenk.

Die vereniging bring ook pasiënte, families en kankeroorwinnaars bymekaar uit vir ondersteuning en inspirasie. Hul 110 ondersteuningsgroepe sluit in Hoping is Coping, Sharing and Caring, groepe vir spesifieke soorte kanker en Tough Living with Cancer (TLC) (vir kinders met kanker en hul gesinne).<ref name="kansa"/> By hul TLC-tuistes in [[Pretoria]], [[Polokwane]], [[Kimberley]], [[Durban]] en [[Port Elizabeth]] kan die ouers en voogde van kinders wat behandeling ontvang, gratis bly.

Deur middel van spesiale projekte maak hulle die publiek bewus van die noodsaaklikheid van die vroeë opsporing van kanker vir doeltreffender behandeling en ’n beter kans op herstel. Van dié projekte sluit in Shavathon, wat al 12 jaar lank gehou word<ref name="shave">[http://www.shavathon.org.za Shavathon], URL besoek op 10 Mei 2015</ref> en mense aanspoor om hul hare te laat afskeer of kleur, en Relay for Life, ’n aflosstaptog. Hulle lig mense ook in deur middel van [[infografika]]s op hul webtuiste.