Industriële Revolusie: Verskil tussen weergawes

Die toestande in die steenkoolmyn was selfs hagliker as in die fabrieke. Omdat die myngange so laag was, is vroue en tieners dikwels in diens geneem om die steenkoolwaentjies te trek. Klein kindertjies is ook ingespan. Die werkdag was twaalf- tot sestien uur lang.

 

In die middel van die sewentiende eeu was die enigste hoofweë in Engeland dié wat die [[Romeine]] veertien eeue tevore daar gebou het. Maar met die nywerheidsontwikkeling het 'n goeie vervoerstelsel noodsaaklik geword en in die laat 1700's is met 'n padbouprogram begin. Manne soos Metcalfe, 'n blinde wat die gawe besit het om die geskikte roetes vir paaie met behulp van sy kierie aan te dui, en die twee Skotte, Twelford en Macadam, het eintlik die moderne netwerk van gemaakte paaie begin.