Schöneberg: Verskil tussen weergawes

[[Lêer:Berlin_schoeneberg_belziger_26.10.2012_11-53-22_ShiftN.jpg|duimnael|''Rathaus Schöneberg'']]

[[Lêer:Schöneberg,_Villas_der_Millionenbauern.jpg|duimnael|Weelderige villas in die Januarieson. Enkele boere het 'n fortuin gemaak deur hul boerderye as bougrond te verkoop. In die middestad het hulle vir hulself statige herehuise laat bou]]

[[Lêer:Dennewitzstraße Berlin 1905.jpg|duimnael|In die tyd van keiser Wilhelm II kon geen struikelblok ingenieurs en argitekte keer nie... Huiseienaars in Dennewitzstraße het hulle deur geld laat omkoop sodat hierdie "tonnel" in 1902 as deel van Schöneberg se eerste moltreinlyn verwesenlik kon word. Die geboue is tydens die Tweede Wêreldoorlog deur lugaanvalle vernietig]]

Omstreeks 1750 het die Pruisiese koning [[Frederik II van Pruise|Frederik II]] ondanks die weerstand van plaaslike inwoners [[Boheme|Boheemse]] wewers in 'n nuwe nedersetting vlakby die ou dorp gevestig wat as ''Neu-Schöneberg'' bekendgestaan het. Die nuwe kwartier het langs die Hauptstraße tot die huidige Grunewaldstraße gestrek. Eers toe Schöneberg gedurende die [[Sewejarige Oorlog]] op 7 Oktober 1760 deur Russiese en Oostenrykse troepe op die terugtog aan die brand gesteek is, het Duitse en Boheemse begin saamspan om hul oorlewing te verseker. Maar eers in 1874 is die twee nedersettings gedurende die ampstermyn van burgemester Adolf Feurig tot 'n enkele munisipaliteit saamgesmelt.

 

=== Schöneberg in die Keiserryk ===

Ná die stigting van die [[Duitse Keiserryk]] in 1871 het Schöneberg se inwonertal dramatiese groei getoon - van 4&nbsp;555 in 1871 tot 95&nbsp;998 in 1900 en 175&nbsp;093 in 1919.<ref>Friedrich Leyden: ''Gross-Berlin. Geographie der Weltstadt.'' Breslau: Hirt 1933 (daarin: ''Entwicklung der Bevölkerungszahl in den Vororten von Berlin.''), bl. 207</ref> Baie voormalige boere in Schöneberg het welvarend geword nadat hulle hul boerderye in bougrond omgeskep en verkoop het. Na hulle is as ''Millionenbauern'' ("Miljoenêrsboere") verwys. Die statige herehuise, wat hulle in die middestad vir hulself laat bou het, het bewaar gebly en getuig steeds van hul rykdom, al huisves hulle vandag 'n polisiestasie en museums. Binne enkele dekades het Schöneberg sy landelike karakter verloor en tot 'n stedelike nedersetting net buite Berlyn ontwikkel.