N12 (Suid-Afrika): Verskil tussen weergawes

Van Drie Susters kronkel en rol die pad vir 62 km na [[Victoria-Wes]]. Vanaf Victoria-Wes is die pad lank en reguit vir 104 km voor [[Britstown]] bereik word. By Britstown gaan die N12 oor die spoorlyn wat [[De Aar]] met [[Namibië]] verbind en kruis ook die [[N10 (Suid-Afrika)|N10]]. Die pad is nou lank en reguit vir 77 km na 'n klein dorpie, [[Strydenburg]] en hou so aan vir nog 56 km tot by [[Hopetown]]. Net na Hopetown gaan die N12 oor die [[Oranjerivier]] en betree die groot noordweste van Suid-Afrika. Op pad na [[Kimberley]] (120 km verder) gaan die N12 verby 'n klomp slagvelde van die [[Tweede Vryheidsoorlog]]. Die eerste is [[Belmont]], dan [[Slag van Graspan|Graspan]], dan volg [[Slag van die Twee Riviere|Modderrivier]] en laaste [[Slag van Magersfontein|Magersfontein]]. Kimberley bied ook verskeie besienswaardighede aan die reisiger en is baie bekend vir diamante en die [[Groot Gat]]. Net verby Kimberley is [[Kamferdam]] aan die linkerkant en nou hou die N12 noordwaarts vir 71 km tot by [[Warrenton, Noord-Kaap|Warrenton]].