Slag van Eriemeer: Verskil tussen weergawes

Perry se vloot het uit nege skepe bestaan wat gesamentlik 54 kanonne gedra het. Daar was drie [[brik]]ke, ''Lawrence'' met 20 kanonne, ''Niagara'' met 20 kanonne en die ''Caledonia'' met 3 kanonne. Die res van die vloot het bestaan uit vyf skoeners wat tussen 1 tot 4 kanonne elk kon dra en een sloep wat 'n enkele kanon kon dra. Perry het in die middel van Augustus uitgevaar om die Britte te vind. Op 10 September 1813 word die Britse Vloot gewaar naby Put-in-Bay. Barclay, 'n veteraan van Trafalgar, se vloot het bestaan uit ses skepe wat 63 kanonne gedra het maar ligter gepantser was. Die Britte het hulle aanval op Perry se vlagskip, ''Lawrence'', gekonsentreer. Die skip was vir twee ure onder Britse vuur en teen daardie tyd feitlik 'n wrak met die grootste gedeelte van die bemanning dood of gewond. Perry klim egter in 'n oop boot, terwyl die Britte op hom vuur, en vaar oor na die ''Niagara'' wat tot op daardie stadium nie aan die slag deelgeneem het nie. Hy hys sy oorlogvlag op die ''Niagara'' en val die Britse vlagskip aan wat hy binne 8 minute verower. Die Britse Vloot, wat op daardie stadium gehawend was, gee toe onmiddelikonmiddellik oor. Hy stuur sy beroemde boodskap aan die Amerikaanse owerhede: ''We have met the enemy and they are ours - two ships, two brigs, one schooner and one sloop.'' Aan die Amerikaanse kant het 27 matrose gesneuwel en 96 was gewond. Die Britse ongevalle was meer. Die oorwinning het aan die Amerikaners beheer oor die meer besorg en ook bewys dat die Britte nie onoorwinlik was nie. Dit het verseker dat die hele noordweste stabiel en onder beheer van Amerika gebly het en dat hulle Kanada met gemak kan aanval.