Bogenoemde bespreking en tabel is ’n voorbeeld van hoe affikse vorm en betekenisse van woorde kan verander.
== Paramorfeem ==
’n [[Paramorfeem]] is ’n afhanklike [[morfeem]] wat eintlik nie ten volle as morfeem gesien kan word nie. Die rede hiervoor is dat hierdie tipe morfeme nie werklik vorm het nie, al dra dit betekenis. ’n '''Morfeem''' is die kleinste waarneembare [[taaleenheid]] wat betekenis dra. Daar bestaan sekere morfeme wat nie werklik vorm het nie en slegs betekenis dra as gevolg van sekere [[taalprosesse]] soos [[meervoudvorming]] en die aanduiding van verlede tyd. ’n Voorbeeld hiervan is die zeromorfeem. ’n [[Zeromorfeem]] het geen vorm nie, byvoorbeeld die verledetydvorm van ‘bestuur’ in ''Sy het vanoggend die kar hierheen bestuur'' of in die meervoud van 'jaar', byvoorbeeld ''drie jaar lank''.<ref>Van Huysteen, G.B. 2014. Morfologie. (''In'' Carstens, W.A.M., & Bosman,N. Komtemporêre Afrikaanse Taalkunde. Pretoria: Van Schaik p.188 ISBN 978-0-627-03019-2.)</ref>
== Zeromorfeem ==
In morfeem-gebaseerde '''morfologie''' vorm zeromorfeme deel van paramorfeme. Zeromorfeme is egter uniek omdat dit geen vorm het nie, maar dit het egter betekenis. Hierdie paramorfeem word dus gebruik om 'n verandering aan die betekenis van 'n woord aan te dui, hoewel die vorm steeds dieselfde bly, gevolglik die gebruik daarvan voorgestel deur die "Ø"-simbool. Voorbeelde hiervan is die verledetydsmorfeem Ø in [[[<small>PST</small>]-[<small>BEPLAN</small>]]/[[Ø]-[beplan]]] (''Hy het die naweek behoorlik beplan''), of die meervoudsmorfeem Ø in [[[<small>JAAR</small>]-[<small>PL</small>]]/[[jaar]-[Ø]]] (''tien jaar lank'').<ref>[Kontemporêre Afrikaanse Taalkunde]</ref>
