Kundigheidsverlies: Verskil tussen weergawes

Kundigheidsverlies het reeds teen die middel-1980's in [[Suid-Afrika]] begin toeneem. Van die stootfaktore was onluste in die [[Transvaal]] in 1986 en 1987. In 1986 het 13 &nbsp;711 mense die land verlaat en in 1987 het die syfer effens verlangsaam na 11 &nbsp;174. Voorheen het talle burgers ook emigreer om diensplig te ontduik. Die emigrasiesyfer het in 1989 afgeplat tot onder die 5 &nbsp;000-vlak, en meer immigrante is ontvang as mense wat die land verlaat het. Die moord op [[Chris Hani]], leier van die [[Suid-Afrikaanse Kommuniste Party]], maar ook die daaropvolgende burgerlike geweld in 1993, het veral burgers van ander lande "tou by die ambassades" laat staan. Die lande waarheen uitgewyk is, was [[Kanada]], [[Brittanje]], [[Australië]] en die [[V.S.A.]]<ref>[http://152.111.1.87/argief/berigte/dieburger/1993/05/08/13/3.html Kundiges verlaat SA in hope]</ref>

Die [[Raad vir Geesteswetenskaplike Navorsing]] het in 'n verslag getiteld ''[http://www.hsrcpress.ac.za/downloadpdf.php?pdffile=files%2FPDF%2F1971%2F1971_00_Flight_of_the_Flamingos.pdf&downloadfilename=Flight%20of%20the%20Flamingos%20-%20Flight%20of%20the%20Flamingos%20-%20Entire%20eBook Flight of the flamingos]'' bevind dat die aantal kundiges wat Suid-Afrika verlaat het, vier keer soveel is as wat Statistiek Suid-Afrika beweer. Vanaf 1994 tot 1997 het Suid-Afrika 70 344 mense aan Brittanje, Australië, Nieu-Seeland, die V.S.A., Namibië en Kanada verloor. Vanaf 1998 tot 2001 het die syfer skerp gestyg na 115 247. Onder laasgenoemde was "15 954 in die eerste tydperk mense wat opgelei is in wetenskap en tegnologie en 24 952 in die tweede tydperk". Die RGN het tot die gevolgtrekking gekom dat die regering nagraadse studie vir Suid-Afrikaanse studente meer toeganklik en bekostigbaar moet maak, want, so is gemeen, dit sal die uittog van hoogs gekwalifiseerde werkers keer of hulle oortuig om terug te kom.<ref>[http://152.111.1.87/argief/berigte/dieburger/2004/01/29/DB/13LDN/02.html Brits, Elsabé. 2004. Breinkwyn: 'Erger as gedink':Nuwe syfers oor kundiges se uittog. ''Die Burger'', 29 Januarie:13]</ref>

=== Oorsake en gevallestudies ===

* Hoogs opgeleide tegnici en wetenskaplikes wil naby institute of vervaardigers wees wat gevorderde toerusting kan bied om verdere tegnologiese ontwikkeling of wetenskaplike proewe moontlik te maak (geen lang wagtydperke van toerusting by die doeane nie). Vakgenote kan ook meermaal nouer saamwerk aan dieselfde projek en mekaar motiveer. Lande lyk ook aantreklik waar die wetgewing op wetenskaplike navorsing so lig moontlik is en waar daar genoeg geld, leesstof (biblioteke, multimedia) en bestaande infrastruktuur beskikbaar is om navorsingsprojekte aan te moedig. Dikwels is die Suid-Afrikaanse institute blind vir hul wetenskaplikes se werk (of die moontlikhede daarvan) -– buitelandse institute sien wel die potensiaal raak en raap die kundiges op. Veelmaal sluit die Suid-Afrikaanse regeringsinstitute projekte wat nie vinnig genoeg na hul sin vorder nie, of weens radikale besuinigingsmaatreëls.<ref>[http://152.111.1.87/argief/berigte/dieburger/2011/05/17/PQ/9/adlithium-PQ.html Robinson, T. 2011. Scientific opportunities lost.]</ref>

{{verwysingsVerwysings}}