Skandinawiese Korps: Verskil tussen weergawes

Na die uitbreek van die oorlog is 'n vergadering op 12 Oktober 1899 in [[Pretoria]] gehou waar die Skandinawiese korps gestig is vir Vrywilligers uit [[Skandinawië]] en Finland om magte in die Transvaal te ondersteun. Die stigter was kaptein Axel Christer Helmfrid Uggla, hoofingenieur van die [[Nederlands-Suid-Afrikaanse Spoorwegmaatskappy|Nederlandsch-Zuid-Afrikaansche Spoorweg Maatschappij]].<ref>C. De Jong, ''[http://samilitaryhistory.org/vol045cj.html Die verslag van suster Elin Lindblom oor die Skandinawiese ambulans in die Tweede Anglo-Boere-oorlog]'', [http://samilitaryhistory.org/ Military History Journal], Vol 4 No 5 </ref> Die diens van die eenheid is aan die [[Zuid-Afrikaansche Republiek|ZAR]] regering aangebied wat dit aanvaar het. Model 1888 Mausergewere en 90 perde is deur die ZAR-regering verskaf en gepaste klere en uniforms is deur die komitee aangekoop. Op die eerste dag het 68 Skandinawiërs aangesluit waarvan drie vir mediese diens. Drie ossewaens is vir logistieke doeleindes aangeskaf. Johannes Flygare, 'n landmeter wat in Zoeloeland aan Lutherse sendelinge uit Swede gebore is en [[Afrikaans]] en swart tale kon praat, is as Veldkornet aangestel. Erik Stålberg wat te vore 'n adjudant-offisier in die Konklike Sweedse leër was was die enigste opgeleide offisier en is as eerste Luitenant aangestel en die Deen William Baerentzen as tweede Luitenant.<ref name=angloboerwar/>