Met die snelle uitbreiding van die NG. Kerk in die destydse Natal — veral deur die vinnige aanwas van Afrikaners in Durban — is die behoefte aan kleiner gemeentes al gou gevoel. So het ook die westelike gedeelte van die stad sy eie gemeente afgestig, naamlik [[NG gemeente Durban-Wes|Durban-Wes]]. Dit het 'n baie groot uitgestrekte gebied beslaan, maar was nie te dig bevolk nie. Met die groei van die voorstede van Durban het die gemeentes mettertyd groter en groter geword. Gevolglik is daar op [[20 September]] [[1946]] deur die Ringskommissie van Pietermaritzburg 'n stigtingsvergadering in die kerksaal in Marianhillweg, Pinetown. Die destydse Ringskommissie het uit di. C.W.I. Pistorius, H.C.J. Flemming en C. Nel (scriba) bestaan. Daardie aand is die gemeente Pinetown met 380 lidmate gestig.
