NG gemeente Bothasrus: Verskil tussen weergawes

Regstreeks of onregstreeks het mettertyd al die NG gemeentes op Despatch uit Bothasrus ontstaan: Retief (1958), Despatch-Eendrag (1965), Despatch-Suid (1969), Despatch-Noord (1976) en Despatch-Dagbreek (1984). Van die nederige begin met sowat 600 belydende lidmate in 1941, het hul getalle op Despatch toegeneem tot 'n hoogtepunt van sowat 6 200 omstreeks die jaar 2000, maar daarna teruggesak tot sowat 5 200 in 2012. Die gemeente Bothasrus se lidmaattal het met die jare gewissel namate dogtergemeentes afgestig is: 1947: 1 100, 1960: 2 100, 1972: 1 542, 1985: 1 410, 2000: 1 420, 2012: 934, 2015: 822.