York: Verskil tussen weergawes

Content deleted Content added
Skakel
Skakel
Lyn 87:
'''York''' [ˈjɔrk] is 'n stad wat by die samevloeiing van die Ouse- en Foss-riviere in [[Noord-Yorkshire]], [[Engeland]] geleë is. York het 'n lang geskiedenis wat tot in die Romeinse tydperk terugstrek, van daar sy bynaam "Ewige Stad". Dit is oorspronklik in [[71|71 n.C.]] as ''Eboracum'' deur die Romeine gestig en het later as administratiewe setel van die Romeinse provinsie Britannia Inferior en as hoofstad van die koninkryke van Northumbria en Jorvik gedien. York was ook die historiese setel van die graafskap [[Yorkshire]].
 
In die [[middeleeue]] het York tot 'n belangrike wolhandelsentrum ontwikkel. Sowel sy versterkings asook sy status as setel van die [[Kerk van Engeland]] se Noordelike Kerkprovinsie dateer uit hierdie periode. Die plaaslike [[katedraal]] ''York Minster'' is die bekendste van York se talle historiese en kulturele besienswaardighede.
 
In die [[19de eeu]] het York tot 'n middelpunt van die Britse spoorwegnetwerk ontwikkel, terwyl klerevervaardiging en spoorwegverwante nywerhede tot die belangrikste plaaslike bedrywe gegroei het. Intussen het die dienstesektor met onder meer die Universiteit van York en gesondheidsdienste die belangrikste werkverskaffer geword. Daarnaas speel ook toerisme 'n beduidende rol in die plaaslike ekonomie.