NG gemeente Sydenham: Verskil tussen weergawes

Teen 2015, toe die belydende lidmate net 203 getel het vergeleke met 332 vyf jaar vantevore, was daar sprake dat die gemeente by 'n buurgemeente ingelyf en die gebou gesloop sou word om plek te maak vir 'n pakhuis. Die kerk is met die jare gevandaliseer en het vervalle geraak. Dit is egter waarskynlik van sloping gered toe belangstellendes dit opgeknap en ’n skuiling aan die haweloses in die omgewing gebied het. Shaun Luyt, stigter van die Happiness Foundation, het aan die [[Port Elizabeth]]se dagblad ''[[The Herald]]'' gesê daar was in ’n stadium 'n moontlikheid dat die gemeente sou ontbind en 'n ander gebou in die kerk se plek opgerig sou word.

Michael Serfontein, raadslid van die stigting en die gemeente se orrelis, het Luyt en 'n mederaadslid, Garrath Fourie, van die gemeente se probleme vertel, en dieDie Happiness Foundation het aangebied om die kerk te verf. Luyt en sy span het besluit om iets te doen vir die gemeente deur op sosiale media vir skenkings te vra. Mense het onder meer verf, plante en klere geborg, terwyl Luyt die tuin help opknap het.